古巨基為哥迷義唱難忍男兒淚
歌手古巨基前晚為向已故巨星張國榮（哥哥）致敬的專輯舉行音樂會，以黑Look型爆登場的基仔全晚獻唱廿多首哥哥經典金曲，當唱到新歌《Dear Leslie》時，他未開口已淚流滿面，更兩度轉身抹淚，場面感人。基仔最後率八位舞蹈員大唱大跳串燒快歌，期間遭女舞蹈員摸大髀，場面火辣。
古巨基前日推出向哥哥致敬的專輯，當中翻唱哥哥十首金曲及收錄一首新歌《Dear Leslie》，為配合宣傳，前晚他於浸會大學會堂舉行《Salute To Dear Leslie音樂會》，吸引霍汶希、英皇娛樂老闆楊受成太太陸小曼、陳淑芬與丈夫、傅明憲、江美儀、Carman@Bingo、連炎輝及張國榮前助手Kenneth捧場，並請來黎小田作鋼琴伴奏。
女Dancer摸大髀
基仔全晚換了兩套黑色歌衫，其中一套心口扣上紅花，不斷飲水的基仔笑指是太太的指令。黎小田提到當年與哥哥登台前在酒店泳池游水，基仔即好奇問：「哥哥係咪着斗零邊泳褲？」小田承認：「係。」而唱出《Dear Leslie》前，基仔未開口已嗚咽，之後更爆喊流下男兒淚，要兩度轉身抹淚，最終邊喊邊唱完整首歌。唱罷基仔即道歉：「唔好意思，相信哥哥唔想大家睇完太沉重咁返屋企，估唔到係自己頂唔順。」個唱尾聲，基仔與四男四女舞蹈員邊唱邊跳串燒歌，期間獲兩女舞蹈員伸手摸大髀，掀全晚高潮。
對於窄身皮褲疑似激凸，基仔坦言沒有留意，並承認眼淺：「好彩近尾聲。」他強調音樂會所有收益全數撥捐張國榮「哥迷會」，他說：「今次都係義唱，一蚊都冇袋落袋，希望出少少綿力。」
手汗多唔敢借衫
問到為何不借哥哥的歌衫亮相？基仔睜大眼說：「咁珍貴，唔掂得，我又多手汗。」身旁的經理人霍汶希補充，基仔的化妝及整頭費全是他自掏腰包支付。
文：音樂組
攝：劉斌