蔡思貝笑洪永城生殖能力強

藝人張衞健（Dicky）、洪永城（Tony）、蔡思貝和楊秀惠等昨日在將軍澳電視廣播城出席無綫50周年台慶劇《大帥哥》開工拜神儀式。期間，Tony被發現右眉遭剃去一截，他訪問時坦言是戲中裝扮，但家中長輩指他被「剃眼眉」唔吉利：「其實依家已經開始生番！」豈料思貝講錯說話，重演同屆港姐陳凱琳的「粉身碎骨」事件：「佢生殖能力強！」講完已覺出事的她立刻笑爆，仲尷尬到掩嘴踎低，搞到Tony忍不住幫她兜番：「係生髮能力強！新陳代謝快都得！」笑到喘氣的思貝笑謂：「我就係想講新陳代謝！」問思貝會否在前輩Dicky面前講錯說話或讀錯對白，她笑完冷靜後即指自己有做足功課。

張衞健感觸重遇老友

至於昨日正式開工的Dicky，依然因離巢多年返娘家而感觸，指重返無綫遇到不少老朋友：「我聽得最多嘅係『冇變o架喎你』！但大家睇錯咗，其實我變得複雜咗，冇以前咁單純。」因為北上工作壓力大，既要諗賣片結果，又要用普通話度橋諗對白，難怪他說：「所以我好享受用廣東話做戲！」

楊秀惠「升胸練Pat」

至於飾演Dicky姨太太的楊秀惠指為了角色「升胸練Pat」扮風騷，但現時只由49公斤增至50.6公斤：「已經一日食四五餐，可以加芝士就狂加芝士，但肥係肥喺塊面度同下身位置，所以要慢慢撥撥撥撥啲肉上去！」

文：影視組