藝人羅霖與陸詩韻等昨日到圓方出席酒業活動，羅霖身穿的粉紅低胸露膊裙被發現日前已有朱潔儀與「洗米嫂」陳慧玲穿過，羅霖說：「我知道！件衫網上訂，買咗兩個月！兩個唔同場合，就算同場合都唔驚，各有各靚，就算幾萬蚊一件嘅名牌都有機會撞。」早前拍攝的動作片《愛革命》獲邀參加沖繩電影節，她希望能盛裝出席首個影展：「雖然唔係女主角，但裏面做女殺手仲要同大隻佬肉搏，諗落都幾蝕底！」陸詩韻則指近日拍攝無綫劇《深宮計》飾演霸道妃子，扭鬥場面搞到周身痛。
