情迷英國男呻冇艷遇 Heidi引港男護花有着數

組合Super Girls（SG）與歌手陳柏宇（Jason）昨日下午出席由僱員再培訓局主辦的《ERB 25周年開展禮暨第9屆ERB「人才發展計劃」頒獎禮》，但SG成員Aka及Yanny分別因病及身在加拿大參加朋友婚禮而未能出席。

Cheronna戥姊妹開心

SG的Heidi透露早前去了英國、米蘭及巴黎時裝周，為時三星期，問到是否獲時裝界垂青而升呢潮人？她直言只是碰巧有品牌邀請參與，並興奮地說：「好開心可以喺後台近距離接觸唔同設計師同超模！」問到Cheronna及Jessica是否很妒忌隊友可以出席時裝周？兩人笑說：「呢個係佢夢想，讀書又係讀呢科，依家達成夢想，我哋好戥佢開心，不過希望佢下次可以帶埋我哋去，我哋都好想着靚衫影Snapshot（街拍）！」

外籍男士通常都比香港男生浪漫，問到Heidi可有艷遇？她笑指沒有：「好失望！我比較鍾意英國男士，因為Man啲。不過今次淨係我同造型師去做嘢，兩個女仔拎住7、8個行李，好彩有個香港男仔幫我哋將行李送返酒店！」

陳柏宇想請前度飲

另外，Jason指最近跟未婚妻忙於籌備婚禮，並透露應該會擺三十多圍酒席。問到可會邀請前度出席婚禮？他坦言有機會：「唔係個個都做唔到朋友，未婚妻都會請前度男友，佢有同我講，我都冇所謂。」而去英國拍攝婚紗照的機票已經落實，希望可以拍攝反傳統靚相。問到籌備婚禮時可有與未婚妻鬧交？他笑言對着未婚妻要做Yesman：「當佢有特別意見嘅時候，一定要話好，話畀佢決定晒所有嘢佢又唔想，問我意見Ban我又要學識講冇所謂，好似幫老細打工咁！」

文、攝：音樂組