G4老婆傍實護腰 任賢齊床上等「復工」
任賢齊早前參加越野賽遇車禍因腰傷被禁行房，日前傷勢初愈的他，孖老婆恩愛出巡，重拾拍拖樂趣。為睇住老公條腰，小齊老婆Tina化身G4寸步不離傍到實，慎防老公再出意外！
藝人任賢齊（小齊）早前於南美參加世界級越野車大賽，不幸撞樹發生意外，當時小齊整個人飛起再跌落水潭，需由直升機急送院就醫，幸好該次意外只傷及腰部，不過為免傷勢加劇，小齊被醫生禁止行房。老公傷腰，最擔心的當然是太太Tina，她寸步不離、細心照料，至最近小齊終於逐漸康復，日前兩公婆到中環溫馨出巡。
眼觀八方護夫
出名恩愛的小齊和Tina，當日下午4時許現身中環，兩公婆邊行邊談笑，只見小休一段日子的小齊，雖然一身顯瘦的黑衣打扮，但仍明顯凸出小肚腩，呈現「幸福肥」。兩人沿途傾得開心，Tina亦慎防小齊被鹵莽的途人撞親，一直眼觀八方，遇見有人拖篋或拖車仔經過，即眼明手快地叫老公閃避。
上車動作利落
未幾小齊電話響起，眼見老公分心講電話，Tina更是緊張，只見她G4上身緊隨小齊身邊，及至終於見到司機駕車前來，即急急送老公上車，見小齊登車動作利落，應該已大致康復，床上「復工」指日可待！
文、攝：追蹤組