黎美言打出新財路 泰拳Crossover英語
歌手黎美言之前參加真人騷《G1格鬥會》，成功塑造打女形象，同時愛上打泰拳，並努力考得教練牌。學以致用的她去年自設公司授徒，除了教收身、自我保護，還教英語及減壓，更訂立目標，期望五年後開三層高的泰拳學校。
歌手黎美言近年進軍電影圈，早前於內地拍了一套動作片，成功建立打女形象，除了於幕前發展外，去年更開設個人公司。她參加《G1》後考了泰拳教練牌及急救牌，繼而成立泰拳公司：「類似泰拳學校，我親自教學生打泰拳，主力幫人減肥，教人用泰拳保護自己。」問到教人是否辛苦？她說：「我好熱愛同啲對泰拳有興趣嘅人分享，好開心，一啲都唔辛苦！有唔少學生想收身，我對呢方面都好有研究。另外，我都有教小朋友，教小朋友最重要係細心，練佢哋靈敏度，依家仲有個新構思就係一路教泰拳一路教英文，市面上好少有兒童泰拳班。」
多男學生查詢
黎美言現時主要是租場授課，未有實體教學中心，她的目標是五年後開設三層高的泰拳學校：「依家邊做邊儲錢，除咗教泰拳，遲啲會出泰拳配備、服飾。依家社會好多負面聲音，希望教大家減壓，自己有壓力都係打拳減壓。（有冇男士為接近你而學？）都有，喺Facebook問我有關學拳全部係男士，十幾至四十幾歲嘅人都有。十幾歲我可能都會教，因為可以控制到個力度，但太大嘅哥哥，一個big man打埋嚟真係好吃力，我未必應付到。（阻礙追求你嘅人？）如果有心追求應該有其他途徑。」
文：名人組