呂慧儀被勒令封肚 暫停造「蟹」
無綫藝人「長腳蟹」呂慧儀，昨日攜同囝囝蟹籽出席活動。被問到會否再生B時，正拍攝無綫處境劇《開心速遞》的她，大爆被監製勒令封肚：「但拍到十月啫，都Welcome嘅，因為唔夠Energy幫個仔放電，要搵多個伴畀佢。」又笑指兩歲半的蟹籽每事問，慘被考起：「佢問我女仔有冇『咕咕』，又問我Superman有冇『咕咕』？」
至於娛樂新聞主播區永權則與太太和兩個囝囝到場，自言不是怪獸家長的他閒時亦會陪「陪太子讀書」：「有時都要惡，因為小朋友同小魔怪係一線之差。」提起有線或會熄機，有線出身的他表示震驚但亦理解狀況：「始終蝕咗咁多年。」