藝人劉佩玥（Moon）昨日於屯門出席嘉年華活動，透露自小備受「外斜視」困擾：「我細個嚇親阿媽，寫字寫到斜晒，跟唔到格線。之後戴眼罩Train番，依家好好多。可以做手術，但暫時未諗，家族性遺傳都有關係，我好少講，好似要人就我咁，依家工作太攰會睇嘢散開，我本身有近視同散光。」日前由日本回港的她感冒，獲好友陳瀅及何雁詩接機。問到為何不叫男友接機？她撒嬌說：「都冇男友。（伍允龍？）都冇拍拖。（病咗想人煲粥？）講起就諗到陳瀅整多士畀我，覺得朋友同家人緊要啲，緣分遇到就遇到。」又笑指陳瀅廚技麻麻：「佢好神經刀。（入得廚房，出得廳堂？）唔整燶嘢咪係囉！」