睇「阿媽」殺人 簡淑兒呆咗！

新一代女神簡淑兒（Jessica）在《迷》劇中飾演田蕊妮的「忤逆女」，兩人互摑指罵一幕睇到觀眾咬牙切齒，雖然角色已陣亡，但她依然有留意劇情發展，指前晚有睇吳業坤跳樓亡一幕：「以為我嗰場已經夠爆，原來阿田逼坤坤嗰場仲爆！嗰時喺公司化妝室，化妝姐姐擰轉頭見到我睇到呆晒，就知場戲好好睇，即刻跑去電視前面！」問到阿田落得如此下場會否覺得「抵死」，Jessica說：「佢係我阿媽嚟o架！迷失咗啫！佢咩都冇晒喎！（你出街時有冇人話你係衰女包？）咁又冇，但好多人認得我叫我Chloe，網上就好多人留言鬧我，話生舊叉燒好過生我。」