楊愛瑾愛犬 遇大狗吠完搵碇匿
楊愛瑾（Miki）的愛犬Toffee（拖肥）快將7歲，Miki說：「拖肥好鍾意黐住我，由細到大佢習慣咗我喺屋企行到去邊佢都跟住我，就算瞓覺佢都會掂住我，好似有肌膚之親咁。」她又指愛犬勁嗲，但卻有例外時，她說：「有時佢對陌生人都幾惡，有時出街見到啲大狗，人哋想同佢玩，但佢以為人哋想襲擊佢，就唔停咁吠，然後匿埋喺我身後面，其實佢內裏係驚多過惡。」
Miki早已視拖肥是家庭一分子，每次返到屋企，拖肥就熱情得紮紮跳揈晒尾，她笑說：「係幾窩心，自從養咗佢，我成日都想喺屋企陪佢，或者抽時間帶佢出去玩。」但Miki又希望拖肥可以學識獨立：「想佢大膽啲，以前佢同我一齊瞓，但呢幾年發覺咁樣唔係咁好，我訓練佢瞓番自己張床，其實佢服從能力OK，係好聰明嘅狗，我教佢好多嘢，佢好快就學識。」
