Twins美國騷 歌迷扮死點唱

Twins日前飛抵美國Reno舉行巡迴演唱會，雖然當地下大風雪，但無阻6,000歌迷的熱情，全場座無虛席。今次巡迴特別加插新環節，請來兩位外籍半裸型男伴舞表演「震波功」，令歌迷High爆超搶fo，Twins即走落台和歌迷握手吸睛。到點唱環節時，因歌迷不停大叫，Twins聽不清楚點唱歌名，有歌迷竟做出「扮死」的動作，原來是點唱《死性不改》，搞到蔡卓妍（阿Sa）及鍾欣潼（阿嬌）笑到幾乎斷氣。
阿Sa、阿嬌又跳又唱，冇時間望男Dancer震波。
阿Sa、阿嬌又跳又唱，冇時間望男Dancer震波。

阿嬌啱嫁外國人

阿Sa指今次美國開騷，因舟車勞頓致體力透支，令她甩歌詞及舞步，但感受到歌迷的熱情，令她充滿力量：「由好攰變畀佢哋叫到成個人醒晒，愈唱愈精神！阿嬌就好啦，冇時差問題，飛到邊都瞓到，佢真係適合嫁外國人。」

問到有震波男伴舞是否特別醒神？阿Sa、阿嬌異口同聲說：「冇喎，佢震波嗰陣我哋又跳又唱，邊有時間望佢。」阿Sa稱不愛異國小鮮肉，只愛中國人。美國騷是Twins第51場演唱會，之後將繼續到重慶、南寧及東莞等地巡迴。

文：音樂組

阿嬌喺美國都冇時差問題，飛到邊都瞓得好。
  • 阿嬌喺美國都冇時差問題，飛到邊都瞓得好。
外籍型男震波伴舞搶晒鏡，令全場歌迷High爆。
  • 外籍型男震波伴舞搶晒鏡，令全場歌迷High爆。