鄭少秋唔識唱《女神》
鄭少秋為慶祝入行50周年，將於5月28及29日在紅館舉行《鄭少秋半世紀大時代世界巡迴演唱會》。日前他為個唱拍攝海報，造型的某些角度被指與天王郭富城有幾分相似，他笑說：「影出嚟我後生過佢（城城），但跳舞就跳唔到，冇佢咁勁，大家氹我開心啫，最緊要相片效果好睇、靚仔、有型、有現代感。」
他表示有太多經典歌，現時為揀歌而頭痛，問到可會請女兒鄭欣宜做嘉賓合唱《女神》？他笑說：「哈哈！我點識唱《女神》呀？但我要同佢唱片公司溝通，欣宜有自己經理人，做爸爸都要循正常途徑申請。」提到主辦單位以「丁蟹效應」為宣傳策略，他說：「就係想吸引我班『蟹民』，等佢哋知道我出現，再話畀佢哋聽，今次個市全部會升，快啲入貨賺多啲！」