鄧兆尊做齊人祥嫂：同我恭喜佢

近年身邊出現三位女友Carmen、車厘子與Claire的鄧兆尊，昨日大方談及相處之道時坦言不喜歡現時「三人行」局面！問到第一個女友知道有第二個女友時有何反應？他說：「好冷靜，因為係好自然咁發生，但當然中間有啲問題。（點分配時間？）我哋無特定邊一日係邊一個，只要邊個需要我多啲，我就會陪嗰個多啲，佢哋三個有個電話Group，會知道大家情況。（三位女友有冇話鍾意你啲咩？）我絕對無乜嘢值得人喜歡，或者係好恰！」他又重提拍攝劇集《皆大歡喜》時，演員間有拗撬感不開心，但記者其後向《皆》監製徐遇安求證時，他坦言不覺演員間有問題，又指常大夥兒食飯。