子丹做柴可夫老婆嫌慢
「宇宙最強」甄子丹出名是愛妻號，他前晚出席BMW 5 Series新車發布會，同場還有蘭桂坊集團主席盛智文及司儀陳貝兒。子丹與盛智文一同坐新車出場，甚具氣勢。
子丹自言是品牌粉絲，擁有的第一部房車就是BMW，又指在外地拍戲時常有司機接載，故在港時會爭取親自接載太太汪詩詩及子女，但竟然遭老婆嫌棄：「我會爭取自己揸車，感覺好Peaceful，不過自己揸得少少慢！如果太太喺身邊會好大壓力，因為佢會話我揸得慢，又話我唔識路、蕩失路，成日話等佢揸，所以就算喺香港都冇乜機會揸車。」
畀車砵任過唔嬲
不過，子丹依然享受「慢駕」，指可以在駕駛時清空腦袋思考：「咁快做乜？後面啲車砵我理得佢，畀你過喇！後生時都會開快車，但依家最緊要安全。」男士擁有辣跑有如身份象徵，但子丹偏偏不愛，因為不喜歡彎低身上車，加上要接載小朋友，座位不夠用。問到現時有多少座駕？子丹婉拒透露：「我幕前高調，但私生活鍾意低調啲。」他認為拍戲時就算飛機、火箭都可以揸，但現實生活中就追求平淡及穩陣。
文：名人組