「貓王」皮禮士利的女兒麗莎瑪莉（Lisa Marie）驚爆音樂人前夫Michael Lockwood藏有兒童色情物品，並安排一對8歲孖女由兒童福利署接手照顧。
美國已故歌王「貓王」皮禮士利（Elvis Presley）的獨女麗莎瑪莉，去年6月申請與第四任老公Michael離婚，結束十年婚姻，並要求全權撫養一對8歲孖女Finley與Harper，但兩人為撫養權爭持不下而對簿公堂。去年8月進入戒療所接受治療的麗莎瑪莉，上周初向法庭呈交文件，驚爆在Michael的電腦內發現數百項兒童色情物品：「當我發現電腦上嘅照片同睇到影片，我好震驚同恐懼，亦感到惡心！我從來唔知佢影過嗰啲相，但為咗尊重我家人嘅私隱，唔會詳細交代照片內容。」
麗莎瑪莉又指警方已介入調查：「比華利山警方發出搜查令，帶走佢超過80部電腦，但未分析亦未公布調查詳情。以我所知，田納西州警方都調查緊我發現嘅相片同影片。我唔知批電腦內仲有冇其他嘢，我只係怕呢批未被分析嘅電腦入面仲有更多更差嘅相同證據。」孖女現時已由兒童福利署（DCFS）照顧，直至下月離婚審訊開始。
不過，Michael反擊麗莎瑪莉，直斥對他的指控是「惡心」與「錯誤」：「佢好難老實，亦好少會接受為錯誤負上個人責任。我為佢喺爭撫養權官司公開文件入面，講對我未經證實嘅指控而感到惡心。2016年9月我哋收到法官命令，唔可以公開對我哋兩人未經證實嘅指控，但佢為咗破壞我嘅名聲而咁做係好冇品！佢仲唔顧及呢啲虛假指控可能影響到孖女，令佢哋受到公開嘅羞辱、尷尬同情緒困擾。」
文：外娛組