古天樂老銅出巡 探老友被圍
藝人古天樂、甄詠珊、鄭世豪與安俊豪等昨午到銅鑼灣為慈善團體站台宣傳，吸引數百市民圍觀，古仔落車後舉步維艱，更出現人推人情況，幸有保安在場開路及維持秩序，未有發生意外。
低調做善事
見慣大場面的古仔接受訪問時氣定神閒，笑言很久沒有在鬧市逛街，談到昨日與一位102歲長者同場，他說：「我哋呢啲年輕力壯嘅梗係要幫手啦，我嘅慈善基金會派咗十幾個義工到場，平時我哋都會有義工探訪嘅。（每次你都現身？）有時間都會，但唔會事先通知囉！（有難忘經歷？）每個人背後都有佢嘅故事，幫得咪幫囉，當然有啲個案我係會記住嘅。（會表演唱歌？）唔會嘞，我驚跳埋舞喎！」近日古仔在深圳拍戲，活動完結後他即趕返深圳開工。
而甄詠珊昨日又出席飲品店開幕活動，提到將與李雨陽拍攝網絡電影，飾演精神分裂患者的她擔心會難以抽離角色，因她曾試過在內地拍戲時愛上了男主角，笑言：「要喺現實中睇吓有冇啲男仔可以轉移視線！」
文：影視組