下月生B 張繼聰嚴禁太太出街

歌手張繼聰、樂隊Mr.兩成員Dash及MJ與莫凱謙等昨日出席籃球活動，再做爸爸的張繼聰透露，會嚴禁預產期是下月的太太謝安琪（Kay）出街：「差唔多最後階段，所以唔畀佢出街。（太太好緊張？）唔係，反而好期待，走佬袋都仲未執。」

近日忙於拍劇的阿聰坦言會入產房陪太太兼剪臍帶，當記者提到劇組監製未必肯放人，阿聰笑言：「到時天王都冇面畀！」問到太太現時是否體重激增，阿聰說：「差唔多，穩重啲囉。」阿聰曾因打籃球受傷令太太擔心，但他表示與今次活動籌委識於微時，加上活動理念有意義，所以太太才批准。