比堅尼照遭盜用 松岡李那無辜做吧女
日模松岡李那（Linah）與藝人李礎業昨日在銅鑼灣鬧巿宣傳劇集，久未在港露面的Linah表示上月曾來港，也有順道探朋友，問到有否跟緋聞男友林德信（Alex）見面時，她坦言：「我哋有打電話聯絡，但冇見面，因為佢好忙。」至於情人節，她則跟男性朋友食飯，但否認對方是男友：「只係朋友，大家好似家人咁，依家冇男友。（你鍾意日本定香港男仔多啲？）我鍾意同亞洲人拍拖，我第一個男友係巴西人。（Alex令你鍾意亞洲人做男友？）我唔知，但如果生BB，我想同外國人生個混血兒BB。」
另外，Linah透露之前發現有灣仔酒吧盜用其肖像，稍後可能會採取法律行動：「佢哋用咗我嘅比堅尼照，但又冇畀錢我，貼到成個灣仔都係，我見到都好驚訝，公司有寫警告信畀佢哋，但對方完全冇回覆。」
