李家鼎Job不停 煩買樓
藝人李家鼎近期人氣爆燈，密密接Job，但他一樣為買樓而煩惱，他於車淑梅的電台節目訪問中透露，現時最大心願是買一間屋，昨日他接受電話訪問時說：「依家樓價咁癲，有舊錢都唔知買唔買到理想嘅樓，睇吓先。」
而昨日李家鼎到屯門出席活動大顯廚藝時，談及無綫新節目《有樓萬事足》中有港女話冇2千呎樓唔嫁，他笑說：「做戲啦，我有2千呎屋？唉！我都費事講，呢啲係各人嘅喜好。」對於好友黃淑儀同日於屯門出席活動，李家鼎表示不知道，又笑說：「如果個傻婆搵我，我去，我同佢冇分啦！」至於黃淑儀昨日宣傳無綫節目《吾淑吾食澳洲篇》時，自爆是她推薦李家鼎做節目，但不敢居功，亦想跟對方合作。至於兒子徐肇平緋聞女友張曦雯在網上爆粗，她說未聽過張曦雯講粗口。
