藝人石修之子陳宇琛之前於英國向拍拖兩年的女友求婚，之後於香港入紙申請結婚，昨日於親朋見證下註冊，他坦言場面感動，自己更喊先過老婆，新老爺石修則指場面開心又搞笑。
藝人陳宇琛（Sam）與前有線主播林佑蔚（Camille）昨日於親朋見證下於教堂舉行註冊簽字儀式，到場觀禮的包括Camille的好姊妹王曉君及羅家如。由於一對新人是基督徒，故以基督教儀式進行，Sam坦言誓詞很重要，之前更為此失眠。
Sam昨日接受電話訪問時表示，一見太太行出來已激動流淚：「唔知點解自己喊先，全部人都笑，跟住遞紙巾畀我，因為個誓詞好緊要，我都忍得好辛苦，以前去人哋婚宴見到新人喊晒，心諗乜真係咁感動？依家就知原來真係會喊到咁嘅！」問到對太太的承諾，他說：「我承諾會用一生嘅努力、用所有嘅本能畀佢幸福同快樂，包括佢家人同我嘅家人。」
談到婚宴，Sam表示預計年底設宴，因兩家有不少親友都於外地，故會先於英國或美國舉行，再於香港設宴。而榮升「老爺」的石修形容場面很開心、融洽及搞笑：「今日阿Sam係主角，佢都諗咗好多嘢喺現場講，本來佢都好輕鬆，但係始終喺啲Uncle面前有啲緊張。」
文：影視組