林敏驄叫陳法蓉Auntie

藝人林敏驄、陳法蓉（Monica）及多位慧妍雅集成員昨晨到粉嶺出席高爾夫球活動，冇厘正經的阿驄一見Monica即叫她做Auntie，並笑說：「我細細個已經睇你（o架）喇！」令Monica唔知好嬲定好笑！談到六月將以作詞人身份舉行作品展，阿驄表示處於開會埋班階段，尚未找嘉賓：「唔會同曾志偉唱詼諧歌，認真（o架）！（自己上台唱？）兩首就拍爛手掌，三首就開始離場！」他透露最近有朋友為他開Fans Page介紹過往作品，吸引不少新仰慕者向他示愛。Monica則表示學了半年高球，球技不算了得，自認求知欲強的她已有潛水及瑜伽教練牌，下一步想學駕駛直升機。