扭傷右膝蓋 展鵬拐住開工

「視帝」陳展鵬日前拍攝無綫新劇《天命》一場對打戲時不慎扭傷右膝蓋，他昨日開工時仍然一拐一拐，但透露情況已好得多，相信多一星期便痊愈。展鵬笑言今次演「武俠和珅」唔易做：「可能當時凌晨兩、三點，等打燈瞓着咗，往往最簡單嘅動作就最易受傷，可能熱身唔夠，隻右腳一跨出去就『啪』一聲，之後伸唔直硬晒，要坐住輪椅先可以同杜燕歌拍埋之後啲戲。」展鵬指敷藥後已經好好多：「醫師話菠蘿蓋移咗位，但好彩冇傷到膝蓋半月板！前幾日直情行唔到，但冇辦法都要繼續拍，打戲就延後。」原來展鵬拍《天》劇已先後傷頸及腳，杜燕歌亦因扭傷腳入院。