菊梓喬0收入啃米粉黐車坐盡慳！
歌手側田最近在內地歌唱節目《歌手》唱出經典歌《命硬》，他錄影後接受內地傳媒訪問自爆為圓音樂夢，放棄美國的高薪厚職，最窮時更只剩下90元。同樣為圓音樂夢而捱盡辛酸的新進歌手菊梓喬（Hana），年幼時經常食不果腹，甚至試過一碗麵要分兩天吃，她自言對捱窮的生活一點都不陌生，最窮試過戶口只餘下900元，她更有一套慳錢的心得。
出道近12年的歌手側田獲邀參與內地歌唱節目《歌手》，並以經典歌《命硬》迎戰，他表示《命硬》是這十年來最能代表他的一首歌，更自爆曾經放棄了一份工作去做音樂，最窮時銀行戶口只有90元。側田接受本報記者電話訪問，他表示初初返港戶口只有90元，不足以在銀行櫃員機提款，他說：「我買咗一大袋薯仔，成個星期淨係食薯仔飽，咁先捱到過去。之後我都做其他散工，先有錢生活。」
試過得番900蚊
另一位為音樂夢而捱窮的歌手菊梓喬（Hana），雖然剛剛加盟星夢，但她表示入行半年多都試過零收入的日子，戶口只餘下900元。在最窮困的時候，Hana自有一套慳錢法則：「我會買嘢返屋企煮，飽肚最緊要係澱粉質，我好多時一日三餐都係食米粉。」問到若戶口只剩下90元，可以怎樣生活？Hana認為有一定困難：「依家交通費咁貴，每日來回都要30蚊，如果得90蚊，真係淨係夠搭三日車！（平時搭車會唔會特登格價？）唔會啦！因為我平時搭嘅已經係好平嘅交通工具，都係港鐵同巴士。」Hana稱如果真的連交通費也沒有，就會找朋友幫忙載她到目的地。
唔夠膽在港參賽
另外，Hana昨日出席《2016年度TVB全球華人新秀歌唱大賽》活動時，透露曾參加台灣及內地的歌唱比賽，她笑說：「香港唔夠膽參加，因為驚畀朋友認出。」談到有指她取代歌手吳若希唱無綫的劇集主題曲，她尷尬地說：「唔係，唔好咁講，大家嘅風格唔同。（公司好重視你？）公司對個個都重視。（怕比較？）每個人都唔應該同人比較。」
文：專案組