王君馨馬國開舖未婚夫Sweet撐場
待嫁新娘王君馨（Grace）自從公開婚訊後事業、愛情兩得意，她情人節飛到馬來西亞為自家首飾品牌開設第三間分店。未婚夫Daniel更同行與她食飯慶佳節，她說：「佢飛過嚟陪足一日，又睇住我開舖。我哋第一次情人節正日食飯慶祝，好圓滿！」
Jimmy Choo剪綵
她又指今次有幸邀得著名鞋履設計師Jimmy Choo到場剪綵，對方更送上其設計師兒子Danny Choo親自設計的結婚公仔。Grace更「花曼」上身教Jimmy擺出八極拳姿勢，她說：「我喺馬來西亞機場偶然識到佢，好感動佢嚟剪綵！佢仲送由佢囝囝設計嘅打功夫甫士公仔，祝福我有個幸福美滿嘅婚禮。」她又透露約Jimmy夫婦食飯分享生意經，獲對方大讚品牌可塑性高：「佢好nice，為我打咗支強心針。（同佢合作？）無論同佢合作咩我都願意。但覺得自己未夠班，要學習更多。其實首飾生意發展比我預期好，下個月會再喺當地開分店。好感激到場支持嘅fans，我送咗玫瑰曲奇畀佢哋。」
文：影視組