楊埕學戲被挑剔

有「清純栢芝」之稱的楊埕（Sabrina）坦言希望向電影及電視劇界發展，早前成功考入北京中央戲劇學院學戲兩個月的她，開心透露幸運地被編進曾教國際影星章子怡做戲的常莉老師的班，大感獲益良多：「佢好和藹可親，一啲架子都冇，但佢上堂時都好挑剔，覺得我哋好多嘢都唔達佢水準，不過佢亦有分享好多佢教過嘅明星辛酸史畀大家聽。」
楊埕早前考入北京中央戲劇學院。
楊埕早前考入北京中央戲劇學院。

Sabrina大讚老師說話有道理：「佢直情話冇錢嘅話就唔好入演藝圈啦，因為唔紅嘅時候，根本係為藝術而犧牲，如果你屋企好冇錢，咁點過日子呢？勸我哋冇錢嘅話就唔好嘥時間，寧願踏實做一份工，等我哋諗清楚，唔使喺人生路上兜圈。」又謂曾為獲得常莉老師的讚賞而開心了一整天。

楊埕跟常莉老師學戲，大讚獲益良多。
  • 楊埕跟常莉老師學戲，大讚獲益良多。