陳明恩錫住男友唔玩接新娘遊戲

藝人陳明恩將於二月廿五日與拍拖多年的舞蹈員男友拉埋天窗，她日前出席活動時透露結婚當日一切從簡，問到是否準備好接新娘遊戲？疼錫男友的明恩說：「冇呀，唔會玩班兄弟。」她隨即解釋：「我覺得唔係好好玩，大家逼喺一間屋入面，香港啲屋又唔係大，新娘又冇得玩，呢個係我提議嘅，大家唔使咁早起身，女仔又可以着靚靚見人。」明恩又表示應該不會舉行單身派對，並透露親人陸續從日本、澳洲、台灣及美國抵港，參加其婚禮兼順道旅行。