玄學星相：張智霖袁詠儀想追女？養隻貓啦！
有人說要看兩個人有沒有緣分，觀其面相就可得知，又俗稱「夫妻相」，好似張智霖和袁詠儀、劉青雲和郭藹明，還有陳智燊和宋熙年，到底他們又有沒有夫妻相呢？今集東網巨星節目《玄學星相》就請來堪輿學家李居明，以玄學角度分析三對恩愛夫妻！
張智霖與袁詠儀很有夫妻相，不過性格一冷一熱，李居明師傅指他們原來真的十分有緣：「睇番兩個人嘅八字，係同年同月(口架)。你睇吓個八字，一個係『辛亥丙申』，一個又係『辛亥丙申』喎，即係證明兩個人嘅八字非常有緣分。」師傅還表示他們有機會再生囡囡：「原來袁詠儀同張智霖只要養隻貓，佢哋就有機會生個B女，而且行房嘅時間，只要係夜晚三點到五點，就會成功喇！」
劉青雲郭藹明 八字相合
而一直相當恩愛的劉青雲與太太郭藹明，明年踏入結婚20周年，二人感情歷久彌新，原來和八字有關！李師傅說：「佢哋兩個之所以係模範夫妻，係因為佢哋應咗八字上一個叫『六月缺』，咩叫『六月缺』呢，當你搵對象時，你唔使理生肖，只要個月份係大概相距六個月就最好。」
陳智燊宋熙年 早咗結婚
至於夫妻相十足的陳智燊與太太宋熙年，連笑容都十分一致，但李師傅指他們可能出現暗湧：「陳智燊依家39歲，兩年後會行20年火運，佢哋兩個兩年之後有20年嘅夫妻運。依家早咗兩年結婚，所以喺2017年嘅秋天時間8月到10月，佢兩個都面對一個好重要嘅關口。如果佢哋2017年順利過渡呢個關口，就應該可以有20年或以上嘅夫妻格局。」想繼續聽師傅點講？Click入東網巨星睇《玄學星相》就知喇！
https://goo.gl/SnWgyO
文：專案組