夫妻分隔兩地汪明荃視像傳情

藝人汪明荃(Liza)昨日為海馬牌床褥拍廣告,期間獲集團主席鄔友正及夫人翁嘉穗到場探班,一身白色女神造型的Liza,原來已為該品牌任了29年代言人,問到今次是否重金禮聘,她說:「每年都加少少,咁個品牌又咁好生意,內地賣咁多。(加幾多百分率?)冇計呀!我哋講感情。」

唔興玩驚喜

談到情人節,Liza表示要為廣告拍攝,加上老公羅家英身在台灣開工,故不會慶祝:「可能會WeChat或者視像囉!(可能家英畀驚喜你!)我哋不嬲都唔興,禮物都冇準備,反而平時會睇有咩啱用就買畀對方,唔會因為節日,最緊要係實用。」

打定流感針

而下月初將到北京十多天開會的她,對於當地霧霾情況表示冇得驚,但已打定流感針:「今次主要行程都係開會,其餘時間都冇乜地方去,北京同香港氣溫差好遠,會盡量小心。」

文:影視組