陳柏宇摺玫瑰罕有浪漫
歌手陳柏宇（Jason）昨日出席電台訪問，提到今日是情人節，他承認並不是浪漫的人，亦抗拒在節慶日子刻意製造浪漫：「我反而鍾意平日有少少驚喜咁，可能仲浪漫啲添！之前因為拍嘢，我都摺咗朵玫瑰送畀女朋友（符曉薇），堅持親手摺。」問到女友可有投訴他不夠浪漫？他說：「佢冇特別講過，佢投訴過我會記得。佢之前話我成日打機同打波，近排我都多咗陪佢，費事佢唔開心。」
此外，Jason最近推出演唱會DVD，他表示已與家人邊食飯邊重溫演出：「我睇番自己喊嘅時候又好想喊，我平時好少喊。」並希望今年可以再開騷。