岑麗香煲「掛」湯冧老公
「強嫂」岑麗香身為王君馨好姊妹，搶先一步與老公在加拿大拉埋天窗。問到君馨有否向她請教籌備婚禮心得？香香表示：「喺加拿大嗰時都有傾啲婚禮點安排，不過佢喺香港搞喎，可能畀唔到好多意見，不過搞婚禮最緊要係兩個人都開開心心，佢係一個好有條理嘅人，相信一切安排都會好好。」
香香昨午出席喜餅品牌活動，透露婚後首個情人節未能與老公強強共度，她撒嬌說：「佢返咗加拿大處理私務。（啱啱度完蜜月？）去咗馬爾代夫同台灣。（趁機造人？）嚟緊我要開工拍劇，做好啲事業先。（強強畀咩驚喜妳？）喺馬爾代夫酒店時，我哋有粒星星，強強幫佢改名叫『蕉蕉』，佢又幫我影咗好多靚相，當中有比堅尼嘅，不過我會揀着住裙嘅甫出嚟。」
香香又稱於農曆新年派雙封利是，更親自下廚冧老公：「煲瓜湯、炒菜仲有番茄豬肉。（瓜湯唔好意頭喎。）係『掛』湯，代表我掛住佢。」