岑潔儀孖B女拍廣告 又想生！
「索媽」岑潔儀（Zoey）為保健食品拍攝廣告，與僅四個月大的B女拍檔，雖然是別人的B女，Zoey大讚B女好乖、冇扭計：「可能佢聞到我身上嘅母乳氣味，我嘅媽媽氣場令佢好有安全感，好放心咁伏喺我身上！見到呢個四個月大嘅B女，令我好想再生番個，我個仔依家兩歲大，好活躍，冇時停。（想喺雞年為囝囝添個細佬妹？）Plan緊，睇上天幾時送第二份禮物畀我，先生冇催我，係我心急啫，有仔趁嫩生嘛，我隨時ready！」
Zoey又說囝囝之前出風瘌，身上一撻撻紅色，令她甚為心痛：「當時我話只要佢身體健康，我乜都得！好彩佢後尾好番，今年希望一家人健健康康，平平安安！（想母子檔拍廣告？）雖然我間中會放個仔啲相上網，但盡量唔想佢拍嘢，想佢低調咁成長，會好啲！」
