樂瞳女人三十唔趕嫁
天生童顏的無綫小花樂瞳原來已入行10年，多年來不乏令人印象深刻的演出，去年在劇集《為食神探》破格演皮膚黝黑的醜爆鹹魚妹「小蓮」，在網上一度成為搜尋榜第一位！她表示當初拍攝時心情低落，但心想「人生點都要演一次醜角」，想不到反應甚佳，令她不介意繼續扮醜，最近就在新劇《平安谷．逐個捉》飾演超大力牛屎妹村姑，一於不賣靚樣，繼續Sell演技！
愛吃的樂瞳受訪當日試整炸雞，自封「地獄廚神」的她論盡地炮製特大芝士雞球，笑言有拖拍才會鑽研才藝，由於現時單身，所以疏於練習。她表示隨着踏入三字頭，愛情觀亦有所改變：「前兩年我急住想結婚，但依家個心反而定落嚟，愛情唔係最重要，希望做好事業，更有安全感！（擇偶條件？）冇定o架！以前啲男友都係唔同Type，另一半最緊要成熟，教到我嘢。（目標幾時結婚？）以前想30歲，依家都過咗啦！隨緣！」
服裝：MZJJ
場地：Chibee Chicken and Beer／Barry ＠ Onesness