吳若希箍實闊少睇萬元BB床

懷有七個月身孕的Jinny腹部微隆，全程有「老公」Alex傍實。

戴上口罩的Jinny一身黑Look拖實Alex出現尖沙咀某商場，由於已懷有七個月身孕，Jinny刻意穿上平底鞋，醒目的她好快便發現記者影相。腹大便便的她與Alex主攻BB床及BB車，對一架數萬元皇室貴族BB車愛不釋手，接住又睇近萬元BB床，並細心聽售貨員講解BB床的好處。Jinny一度彎身摸床邊布料，問到是否專程返港購BB用品？Jinny說：「今日返嚟做產檢，順手嚟睇BB嘢。（仲未買BB床同BB車？）已經有心水，只係想睇多幾間同幾款。」

新手爸媽細心聽售貨員講解萬元BB床的好處。

兩人睇中皇室貴族專用的BB車。