現年22歲的英國跳水明星戴利（Tom Daley）被爆背42歲金像編劇未婚夫Dustin Lance Black，與23歲利物浦男粉絲玩裸聊！兩人互發情慾短片，事件曝光後，戴利只好向未婚夫認衰，承諾「以後唔會再犯」！
跳水王子戴利與Dustin於2013年開始拍拖，上年10月訂婚，戴利本月初在英國早晨節目宣布今年結婚，豈料轉頭就被《英國太陽報》（The Sun）踢爆偷食！
報道指戴利去年2月與一名23歲利物浦男粉絲玩裸聊，他透過Instagram傳私訊讚對方身材弗，並附上其電話號碼，兩人在11個月內透過Snapchat互發情慾短訊、裸照及影片，戴利更經常邀請對方在倫敦見面，雙方上周五最後一次聯絡，惟最終未成事。戴利的裸聊影片在網上流出後，他被迫向Dustin認衰，並承認有數段「網上關係」。
他接受訪問時坦承與Dustin因忙於工作而分隔異地，去年曾秘密分開7個月，但彼此現已重歸於好，他說：「呢件事絕對唔會再發生，我哋依家已經要結婚啦，連日子都定埋，我哋已經急不及待，準備快啲結婚！一切都係因為我哋分隔異地，我唔係真係同人出嚟偷食，我得22歲，同人喺社交網傾偈就係咁，冇再進一步，從來冇親身見面。現代社會就係咁，好容易喺網上接觸或發布任何嘢，仲會好快蔓延開去，十足山火一樣。我唔覺得自己做嘅嘢比一個正常22歲男仔所做嘅有更多或更少。」
至於Dustin亦為戴利講好說話：「Tom乜都同我講晒。老實講，上年我出咗國差唔多7個月，我同Tom當時決定暫時分開。」
文：外娛組