Tyrese@天堂鳥認戀余思霆：我一定照顧佢！
新鮮出爐的華姐冠軍余思霆被本報獨家踢爆在港秘密收埋一位男朋友，消息曝光後這神秘男子火速被起底，原來他正是有「MK組合」之稱的天堂鳥成員Tyrese，他大方承認戀上選美冠軍，但就避談女友借宿一宵「同居」的問題，強調女友在港定會加以照顧。
出爐「華姐」冠軍余思霆被本報獨家踢爆秘密在港有位高大「翻版朴寶劍」的男朋友，原來這神秘人正是「MK」組合天堂鳥成員Tyrese。兩人日前爭取時間遊遍港九新界，情到濃時更不停當眾咀嘴，戀情曝光後，Tyrese大方認愛，雖然與女友相隔兩地，但感情穩定。
舞出愛火花
Tyrese昨日透過電話訊息回應說：「啱啱睇到（報道），（拍咗幾耐拖？）其實拍咗拖都一段時間，（你哋點識（口架）？）我哋未入行就識，因為工作關係而認識，以前我係幫佢跳舞嘅。」女友身在美國紐約，Tyrese坦言兩人以前都是long distance談戀愛，他說：「所以佢喺香港我都一定會照顧佢。」
避談宿一宵
問到兩人熱情當街咀嘴，又接女友回元朗寓所，是否已發展到同居關係？他又是否視余思霆為結婚對象？他笑說：「暫時冇諗咁多啊，但感情都幾穩定。」
Tyrese更笑言要多謝被形容為「翻版朴寶劍」，他笑說：「我有佢一半靚仔就好啦！」據知仍是學生身份的余思霆，已返回紐約繼續學業，截稿前未有回覆。至於Tyrese的隊友Gordon早就知道兩人拍拖，Gordon坦言：「見過幾次面，至於拍咗幾耐拖真係唔知，留畀Tyrese答。（你知佢參加選美？）參選唔知，攞冠軍就知。」單身的Gordon笑指見到兄弟有拖拍都感到開心。
文：音樂組