鄧月平清場裸泳 胸撞胸玩「sheshe」

「巨胸翠如」鄧月平(Larine)於新片豁出去,除以噴血裸背上陣暢泳外,還晒出36F逼爆「胸器」!與男仔頭造型的談善言於泳池邊有「肌膚之親」,更有錫錫場面,大玩「sheshe」feel。Larine坦言與同性kiss很尷尬,而裸背就做足安全措施,還獲導演鄭丹瑞清場配合,令她大感窩心。

鄭丹瑞(阿旦)自導自演的新戲《小男人週記3之吾家有喜》將於賀歲檔上映,一眾宅男除期待周秀娜於戲中與阿旦鴛鴦戲水外,亦對飾演阿旦囡囡、擁有36F逼爆身材的「巨胸翠如」鄧月平演出引頸以待。

做足安全措施

今次Larine不但於泳池晒纖腰裸背暢泳,更與男仔頭的談善言於池邊談情,既頭貼頭耳語,又攬晒膊頭表現親暱。情到濃時Larine更突襲咀對方,而另一場口則胸貼胸緊抱一起,十分親密。對於裸背上陣,Larine坦言未算尷尬:「有做足安全措施,爹哋(阿旦)又好錫我,驚我緊張影響做戲而清晒場。(同女仔kiss尷尬?)都係,因為我未錫過女仔!不過拍wide shot唔係好抵,因為初頭拍close up先,錫得唔夠激烈,跟住就大膽啲,拍大wide shot亦錫得準啲。」談善言則表示拍得舒服:「雖然同男仔拍Kiss戲唔多,但今次同女仔拍會舒服啲,可能因為我都係女仔啦!」

太緊張入錯男廁

而阿旦日前與Larine接受鄭裕玲(嘟嘟)主持的電台節目訪問,對於27年前曾與嘟嘟於前作演過一對,今次可算是與「囡囡」鄧月平一家三口團圓,故阿旦一見嘟嘟即爆Larine瘀事:「頭先呢個女好緊張,喺出面等見阿媽,突然間話好急,跟住衝咗入男廁!」

文:影視組