杏兒調理趕工 造人收利是
藝人胡杏兒昨日以紅噹噹連身裙出席「桃源鳳舞•又一城」活動，甫出場時杏兒心情大好，不時向現場朋友揮手，更即席揮毫用毛筆字寫上「雞」字，寓意大家雞年行大運。
成為人妻後的杏兒，表示今年將會在香港過年，並已着手預備下星期辦年貨，而早前更向奶奶學整蘿蔔糕：「其實可以整番腍少少，不過都ok。我嚟緊都要返內地工作，要到下星期先放假，之後過完年又要返去。」杏兒老公李乘德是圍村人，問到作為媳婦的她要否新年過圍村習俗？她說：「咁又冇，不過奶奶話整茶果好快失傳，所以我會學識傳畀下一代。」
催姚子羚快啲結婚
問到杏兒有否被奶奶催生BB？她即「賣口乖」坦言：「佢唔叫我都盡力呀，我會努力！（陪多啲老公？）會呀！依家都有調理身體，希望下年有人幫我（扌豆）利是，收番啲利是錢。」講到好姊妹姚子羚有機會最快嫁出，她笑言近日因工作都少見面，亦希望對方快啲嫁人，屆時必定會做姊妹。
文：專案組
