子華自編求咀 阿佘：唔准扯頸！

佘詩曼罕有谷胸上陣，粉絲大飽眼福！

藝人佘詩曼、黃子華與古天樂等昨日出席「hmv中環概念店隆重開幕」活動，並擔任剪綵嘉賓。子華與阿佘即將合作拍新片，身為編劇的子華指今次是動作笑片，戲中將會做特務，問到最困難的是甚麼？他笑說：「要Keep住身形，但係新年就到，係一個10日可以食40餐嘅日子！」至於與阿佘可有愛情線？他說：「都避免唔到！（有錫錫戲？）呢啲唔應該問男演員，因為要睇女演員肯做乜先得！（操多少少肌肉？）保證唔會令觀眾難受，因為大家唔會睇到我啲肌肉！」

被恰反擊 牙籤筒拍頭

佘詩曼透露在片中「恰」子華，談到對方表示若有錫錫戲份要先徵求她同意，她說：「有咩？有開會傾嘅，問我有咩動作唔做得，我話唔好扯頸囉！之前傷過！（有親吻鏡頭？）唔知佢寫成點！有成四稿、五稿，唔知到時會唔會攝個第十一稿落去！」又爆料指以前常被對方整蠱，被迫還手：「因為我唔夠佢講，我就用牙籤筒拍佢個頭，太乞人憎啦！我都唔記得呢件事，佢提番我先知，估唔到佢咁小器！」

子華笑言要等阿佘答應先會加插咀戲。	蕭定一領軍出席新店揭幕，齊齊祝酒造勢。	唐紫睿以性感打扮搶Fo。

忙拍兩片的古天樂笑言做到年三十晚才收爐，留港度歲的他會放一星期假，之後又與劉青雲開工拍電影，笑指目前仍是逗利是的階段，故新年大都留港去拜年。他又透露新片有動作戲，要一個打廿幾個，直言是從影以來首次動作戲要應付這麽多對手。

文：影視組