廖碧兒Sell靚酒 畀阿叻笑「姣婆」
樂壇校長譚詠麟（阿倫）、陳百祥（阿叻）與廖碧兒（Bernice）昨日出席由鴻星中菜舉辦的「星之夜宴」活動，各人準備自家靚酒到場，其中阿倫與阿叻帶紅酒，Bernice則帶白酒。受訪時，阿叻表示近年興起以白酒或紅酒配中菜，笑言今次跟鴻星合作是「姣婆遇着脂粉客」：「一個好品味嘅酒家搵到好品味又價錢適合嘅酒畀大家品嘗。」阿倫聞言大笑，阿叻即澄清：「我唔係話Bernice，我係指酒家同我哋嘅酒啫！」
愛飲酒的Bernice表示酒已成為她生活一部分，問到酒量是否很好？阿倫即爆料：「好犀利！未見過佢醉。」問到可會勁過他跟阿叻？阿倫則笑言未試過比酒量：「不過我哋唔會用呢啲嚟劈酒。」而Bernice則坦言試過飲醉：「喺咁多年入面應該有嘅。」
志偉贏千萬 阿倫：屎忽撞棍
講到好友曾志偉日前買馬贏得1,600萬，是否已請食飯？抵死的阿倫笑說：「佢話有拖冇欠！不過戥朋友開心嘅，表面上佢係籮柚大、屎忽撞棍，暗地裏係佢福有攸歸，做善事多。」阿叻自言是輸家：「成日畀錢馬會做慈善。」
文：音樂組
