吳業坤開舖 JW搲折頭
吳業坤現身尖沙咀出席自己投資的西裝店開張，吳媽媽亦到場支持，歌手胡鴻鈞、JW（王灝兒）親身到賀，蘇志威、Dear Jane等送上花籃。吳業坤指舖頭投資六位數字：「間舖同朋友合資，試業一排，希望一年內回本、開分店。我之前投資夾份開拉麵舖，嗰陣Partner負責搞開張，但今次自己負責請嘉賓，我費事欠咁多人情，所以只叫咗不和嘅胡鴻鈞。我估唔到開張收到咁多花籃，包括蘇志威送嘅，之前我向佢取經請教做生意心得，依家證明同行唔一定如敵國，我視佢為學習對象！」
緋聞女友龔嘉欣冇送花
問到緋聞女友龔嘉欣有否送花？坤坤說：「我都冇高調周圍講我舖頭開張，所以冇囉！」又解釋一頭紅髮的由來：「一來新年，二來唔使拍劇，『紅』運當頭都幾爽。」
JW笑言想問坤坤攞折頭買衫，問她是否想幫男友造西裝？她說：「女仔都着得，我都要，心郁想搞生意，飲食、服裝都想試。（同老友何超蓮傾搞生意？）冇！搞生意同朋友合作難免有拗撬，暫定二月尾出碟，四年幾冇出，好重視，唱片封套係古典Look。」