黃芷晴拜年見家長等嫁
藝人黃芷晴和名模Ana R.昨日出席「apm第十二屆創意潮人年宵市集迎新歲」，芷晴透露農曆新年會與家人留港度歲。她又表示現時與男友拍拖約7個月，今年是首次到對方家中拜年，打算送花膠及參茸海味等給「未來奶奶」，問到與男友可有結婚計劃？她坦言暫時未有計劃，但希望在30歲前結婚：「我哋同年，大家今年27歲，我成日同佢講過多兩年我就老、皺皮
㗎啦，佢就話我傻，唔理我。我想似爹哋、媽咪喺28、29歲結婚。（如果男友依家求婚，你Ready？）都可以，但我諗爹哋、媽咪未Ready，佢哋仲當我係細路仔。」
至於Ana表示因老公Brad忙於工作，新年不會外遊，屆時會帶囡囡Maya行花市。