孫慧雪不設防 升Cup等報喜
藝人孫慧雪及岑日珈谷胸出席賀歲片首映，相當有睇頭，婚後打扮依然性感的阿雪表示只是配合片中的AV女優角色，問到性感上陣，要否需要老公批准？她說：「唔使理佢，都唔係好性感o者！（你上圍好似升咗Cup？係咪有咗？）開心咗，有好消息會同大家公布。（已經不設防造人？）都係。（係咪未夠3個月唔講得？）有好消息就會公布，結婚嗰時已經肥肥哋。」又表示未有時間與老公度蜜月。至於岑日珈透露片中飾演空姐，要穿貼身制服，但自爆去年底在泰國拍畢戲份後就大解放未有繼續節食，現已暴肥20多磅。
此外，首次擔任電影男主角的林盛斌（Bob）與麥玲玲飾演夫婦，兩人更有床戲，Bob笑說：「我哋啲床戲一定要睇，玲玲姐床上功夫好好，佢瞓得好好！（有冇咀戲？）冇，佢就想喇！玲玲姐向來好澎湃同胸襟廣闊，今次就收埋咗。」玲玲姐則投訴：「有啲衰人臨時改劇本同爆肚，佢用六合彩飛打到我塊面好痛，公報私仇！」提到網上流出一段電影的完整粗口版NG片段，Bob稱整件事「很乾淨」，電影是合家歡作品，並笑說：「香港人講兩句粗口冇所謂。」另外，唐詩詠笑言要男友洪永城自掏荷包買飛入場睇，更最少要睇3次。
