劉德華策騎受傷的消息傳出後，圈中好友紛表關注，並送上祝福。
「真係要小心，佢呢個年紀唔講得笑，呢個係大意外，騎師咁樣都要休息好耐，馬成千幾磅，有練馬師咁樣連頂帽都壓到裂咗，希望佢吉人天相。」
「希望佢冇事，希望佢咁快返香港係為咗安全而返嚟，不過佢咁Fit應OK嘅！我都試過一分鐘內喺馬上摔倒兩次，我都冇事，劉德華咁Fit冇事嘅！」
「睇到新聞，希望佢早日康復。」
「我都幾怕拍策騎戲，因為人同馬要夾！我細個都試過畀馬踩到頭，嗰時我兩、三歲，爸爸抱住我喺馬上面影相，啲閃光燈嚇親隻馬，我就畀佢踩到。（拍《尋秦記》都有策騎。）佢（指馬匹）好怪，行去邊跟去邊，同佢講嘢佢會點頭，好乖！」
譚詠麟聽到記者提及劉德華受傷一事，表現十分愕然，反問：「佢講唔講到嘢先？好擔心，希望佢冇事。（關心吓佢？）唔知可以去邊度關心。」
「佢喺我心目中排第一位，聽到消息後個心離一離，跟住喊咗出嚟，好緊張擔心，好彩佢喺『華仔天地』好快留言報平安，我希望佢快啲好番。（會去探佢？）呢段時間等佢休息吓先，唔好騷擾佢住。」