張振朗搵電燈膽掩護唔敢拖尤物
曾扮「Cool魔」張智霖而出位的無綫藝人張振朗，為保上位中的事業，雖然與34C「新咪神」陳芷尤相戀多時，但堅持將戀情低調處理，日前二人鮮有到鬧巿拍拖，除了找來謝東閔做電燈膽，當女友想拖手時更即縮，令陳芷尤一臉冇癮。
近年極速上位的張振朗（Owen）劇接劇拍不停手，前年被姪兒在電視節目公開踢爆和《愛．回家》同劇演員、擁有34C驕人身材的「新咪神」陳芷尤（Apple）相戀，但為保上位中的事業，縱使經常被目擊拍拖，Owen一於死口唔認，盡可能低調處理戀情。
三人行掩人耳目
日前Owen和Apple鮮有到銅鑼灣鬧巿拍拖，當晚7時許，Owen心口掛住部相機，和女友邊行邊影相，不過就算拍拖Owen和Apple亦並非單對單，為了掩人耳目，故意找來好友謝東閔同行，二人世界頓時變成兩男一女的「三人行」，成個「嬲」字。
插褲袋保持距離
三人逛了數間時裝名店，只見Apple不時甜甜笑望向男友談情，更出動手機和他頭貼頭分享趣事，可惜Owen一直表現避忌，雙手插袋和女友保持距離。及後三人行到扶手電梯，女方刻意和男友手碰手，Owen仍然毫無反應。當行到街角時Apple再情不自禁欲拖男友，今次Owen極速把手縮開，令女友一臉冇癮，嘴扁扁地跟在他身後離開。
文、攝：追蹤組