Heidi@SG染幽門螺旋菌 胃痛作嘔
組合Super Girls（SG）成員Heidi日前在網誌透露感染幽門螺旋菌，若不及時醫治後果相當嚴重，有機會導致胃潰瘍及胃癌，Heidi昨日接受電話訪問說：「身體檢查驗到個胃有啲嘢，之後再做一個胃檢查，最後驗出係幽門螺旋菌，醫生即開10日抗生素畀我，仲話有兩成患者食完唔一定殺到啲菌，希望自己唔係嗰兩成人。」
她表示得悉病情後有立即上網查資料：「知道唔及時醫就會變胃癌，都好擔心。（停工休息？）呢個月好忙，睇食完藥情況再算。」並坦言近月有胃脹問題，胃痛亦有加劇：「依家已經食緊抗生素，屙咗兩日，同埋成日想作嘔又口淡淡，都幾辛苦。」