進度快過出劇本 郭晉安拍劇焗住「飛紙仔」
無綫劇《老表，畢業喇！》開工，郭晉安表示與蔡少芬默契十足，收工更是「有早無遲」，但笑言「追唔切稿」，直認有飛紙仔情況出現，忙拍劇的他又笑指老婆歐倩怡早前要靠睇《創世紀》重播來「見」他。蔡少芬則笑言二人多數傾湊仔經，對於無綫開拍《再創世紀》，她說：「未收到風。（安仔話你好忙？）都忙嘅，工作由經理人度，但主要睇劇本同對手。」
同場的張文慈面及頸有紅印，她指濕疹發作，可能是休息不足。首度拍無綫劇的她謂已習慣，但由於忙拍劇，令她推了一部電影：「係邱禮濤嘅，會有古天樂，但撞晒期。（損失幾錢？）唔係錢嘅問題，呢啲係機會！」談到清減不少，她認是刻意減肥：「TVB啲女仔好似唔食飯咁，我都要Keep下。」
