雷頌德搵盲俠子丹做靈感
音樂人雷頌德（Mark）撈過界，昨日以腕錶設計師身份出席星球大戰系列陀飛輪發布會。提到甄子丹在《星戰》電影中飾演盲俠一角最近引起極大回響，原來連Mark都大受感動，並有意把盲俠一角加入新系列設計中！
雷頌德昨日出席腕錶品牌萬希泉舉辦的星球大戰系列陀飛輪發布會，同場還有品牌創辦人沈慧林（William）。是次腕錶由Mark設計，他在場分享三款以《星戰》角色為題材的腕錶系列，自小已是《星戰》粉絲的他坦言可參與系列設計，感到十分開心、滿足及好玩。
教仔重任交畀老婆
提到影星甄子丹在最新一套《星戰》電影《俠盜一號：星球大戰外傳》中飾演的盲俠大獲好評，問Mark會否把該角色加入下次設計中？他肯定地說：「一定會，呢樣係代表中國人崛起，係好重要嘅（外國）文化上有中國人加入，當我見到子丹喺電影宣傳片中出現，有感動感覺，打經典白兵感覺好特別，呢隻錶係香港人嘅產品，星戰嘅官方產品，能夠負責設計，我覺得好開心同驕傲。」
沈慧林孖妻子捧場
提到William的太太現時懷孕五個月，問Mark有否與對方分享湊仔經？他謙稱：「我唔叻，由老婆同佢老婆傾啦，我最唔擔心嘅就係小朋友管教問題，佢嘅家庭管教得好好，下一代一定冇問題。」至於聖誕節除在港工作外，還會去玩幾天，之後便忙於準備天王黎明的演唱會。
至於William表示跟Mark是好友，雙方合作多年，今次推出的腕錶食正《星戰》熱，問他會否邀請子丹出席活動？他坦言：「佢係華人之光，有機會合作梗係好，我自己就同Mark一直創作緊，佢今次嘅創作得到美國電影公司讚賞同認可，真係好開心。」他續稱電影上映時，會跟太太一起觀看。
文：名人組