捱七年開處男騷林奕匡：整定嘅！

歌手林奕匡（Phil）昨日舉行記者會，宣布明年2月在麥花臣場館舉行兩場演唱會，期間即場製作「邀請框」，希望送給張學友及陳柏宇等圈中人來睇騷。受訪時提到上星期欣賞學友演唱會時感動落淚，Phil直言沒有學友就沒有現在的林奕匡：「我喺加拿大出世同長大，因為學友我先聽廣東歌。」提到有網民認為他入行七年才開騷有點遲，他坦言覺得時間剛好：「有啲嘢係整定嘅，有啲朋友都未必有機會開騷，希望今次開三場啦！（加場？）未知住，睇大家反應啦！」他又透露屆時有機會做未做過的事，但暫時未決定Rundown，笑言若大家想看也不介意騷肌。