麥玲玲癡呆挑戰馮寶寶 林盛斌硬食安全套
藝人林盛斌（Bob）首次擔正跟堪輿學家麥玲玲、唐詩詠等演出葉念琛監製的新片《我要發達》，Bob在戲中經常將「騎呢物」放入口，除了食由拖鞋、飲管與地拖做的「龍蝦伊麵」外，又品嘗「安全套花膠湯」。阿Bob直言食安全套「難我唔倒」，反而難倒他的是演中六合彩那場戲︰「有幕戲約分幾鐘，講我睇住電視，中咗六合彩之後嘅興奮狀態，好似發神經一樣，喺廳中走來走去大叫。」坦言拍完後整個人崩潰兼頭暈！
飾演阿Bob老婆的麥玲玲同樣作出新嘗試，飾演頭髮夾滿卷夾，只穿睡袍打扮騎呢的「傻婆」，不過她直言相當享受：「我反而唔喜歡演玄學家角色，我記得導演介紹角色時希望我做到好似《黑玫瑰》馮寶寶嘅感覺，癡癡呆呆搞笑嘅。」
