陳意嵐失「暈」鄧月平誓甩胸大冇腦

ViuTV選美真人騷節目《美選D.n.A》於本月18日晚上直播決賽，昨日在銅鑼灣舉行記者會，八強佳麗陳意嵐（Tarah）、張沛樂（沙律）、李靜蓮、羅伊婷、馬倩宜、鄧月平（Larine）、湯沛宜（ToTo）及余逸思身穿性感服飾到場，當中天使組的沙律穿白色低胸裙略騷E Cup上圍，有「巨胸翠如」之稱的Larine亦晒事業線。至於魔鬼組的ToTo穿Deep V裝勁拋湯碗巨胸，「峰」殺全場；Tarah搏到更盡，酥胸半露結果疑似露暈！

感到不快

事後Tarah在電話中澄清絕非刻意走光搶鏡，表示可能是陰影或乳貼：「我已經做足預防措施，check過好多次，其實為安全，個Bra好緊，可能壓到有陰影位，如果咁樣露咗乳貼，係會唔開心，但都已經冇辦法，決賽要跳舞，會再小心啲。」

七位佳麗將與陳意嵐爭奪ViuTV選美冠軍寶座。	「沙律」張沛樂穿上白色低胸裝，非常養眼。	「巨胸翠如」鄧月平被笑跳舞時發夢。

擁有F Cup身材的Larine表示大會要她們挑戰個人弱項，她將表演演講：「我平時做訪問好差，要諗五分鐘，講嘢麻麻！（到時講咩？）參選以來最多人評論我嘅身材，我會用分半鐘平反，我唔係胸大冇腦，我仲識催眠，想話畀大家知我係揸筆寫嘢嘅人！」

湯沛宜勁谷湯碗胸，效果澎湃。

陳意嵐在節目中除短褲爭入八強。

講到決賽要跳舞，Larine被笑一直處於遊魂狀態：「成日畀人話我冇食飯，發緊夢咁！（到時點算？）到時好啲，就會令人刮目相看！」問到決賽會否騷身材，她說：「佳麗服裝統一，其中一套衫我睇咗下身有花花。（上身呢？唔着？）可能啦！但我怕醜呀！」

除褲闖關

另外，早前眾女為爭取今次八強席位各出奇謀，其中鄧月平與陳意嵐分別於日本、泰國進行比賽，鄧月平以二萬日圓裝身成少女味美人魚，與陳意嵐跳脫衣舞除掉牛仔短褲露泳衣打底，出位行為都令兩人打入八強。

文：影視組